A A A

Албан болон хувийн шугамаар зорчиж яваад гацсан иргэдээс 5-р сарын 2-ны захиалгат нислэгт багтаагүй үлдсэн хүмүүсийн бодит байдлыг тодруулах, нэгдсэн хүсэлтийг зохих газруудад уламжлан, оновчтой шийдвэр гаргахад дараах албан бус судалгааны зорилго оршино.

https://forms.gle/6VsRJbGQ2Epz1npv9

Монгол улсын иргэн бүрийн эрхийг хамгаалахын төлөө - Захиалгат нислэг үйлдэгдэх, Монгол улс хилээ нээх гэх мэт талаар нааштай мэдээлэл гарвал та бүхний бүртгүүлсэн холбоо барих хаягаар цаг алдалгүй шуурхай хүргэх болно.

Монголчууд Германд мэдээллийн портал

Гадаадад түр хугацаагаар зорчиж яваад цаг үеийн асуудлаар болж олон хоног гацсан иргэдийг Германд суурин амьдарч буй иргэд, ТББ ууд холбоо харилцаатай байж "Бид туслахад бэлэн" уриан дор нэгдэн бүх боломжоороо нэгдэн ажиллаж буй юм.

Энэ хугацаанд олон хотоос сайхан сэтгэлд иргэд маань нэгдэж сайн дураараа 30 гаран иргэдэд орон байр, унаа, эрх зүйн тусламж үзүүлээд байна, мөн одоо ч Монголчууд маань "Хариу нэхээгүй тусламжаа" үзүүлсээр байна.

Өнгөрсөн амралтын өдрүүдэд манайханы тусламж үзүүлж буй нэгэн иргэний маань биеийн байдал хүндэрч эхэлжээ.

 

Тухайн хотын сайхан сэтгэлт Монголчуудын маань баг цаг алдалгүй Монгол эмч нарынхаа зөвлөгөө зааврын авч, тухайн хотын эмнэлэгт хандан эхний шатнуудын шинжилгээнүүдийг хийлгэх анхны тусламжид хамруулсан болно.

Иргэдийн байдал хүндэрч, эрүүл мэндийн асуудал бодитоор хурцдаж, олон хоног сараар гацсан иргэд туйлдаж гүйцлээ. 

СӨҮЛ, ФРАНКФУРТЫН ТУСГАЙ ҮҮРГИЙН НИСЛЭГЭЭР ИРЭХЭЭР ӨРГӨДӨЛ ГАРГАСАН ИРГЭДЭД АНХААРУУЛАХ НЬ

Улсын онцгой комиссоос гарсан шийдвэрийн дагуу тусгай үүргийн нислэгээр 2020 оны 4 дүгээр сарын 30-нд БНСУ-ын Сөүл, 5 дугаар сарын 2-нд ХБНГУ-ын Франкфурт хотоос иргэдээ татан авах бэлтгэл ажил хийгдэж байна. Энэ нислэгийн үеэр өмнө нь тавигдаж байсан таван шаардлагыг ягштал баримтална. Үүнд:

Гадаадад, Европ тивд зорчиж яваад саатсан, хувь ар гэрийн шалтгаанаар нэн яаралтай нутагтаа буцахаар тэсэн ядан хүлээж байгаа Монгол улсын иргэд та бүхнийгээ Монгол улсын засгийн газар, Гадаад хэргийн яамнаас хоосон хүлээлт үүсгэж, СЭТГЭЛИЙГ ХЯМРААХГҮЙ гэсэндээ ямар нэг тов хэлэх боломжгүйг Гадаад харилцааны сайд Д.Цогтбаатар 4 дүгээр сарын 10 нд хэвлэлийн бага хурлаар дамжуулан дуулгасан билээ.

Хоног өдөр өнгөрсөөр, иргэд хүлээсээр...БУЙ ТУЛ ДАХИН ГАРГАЛГАА ХАЙЦГААЯ.

Ажил болон албан шугамаар зорчиж яваад саатсан, удаан хугацаагаар оршин сууж буй иргэдээс ХБНГУ болон Европын холбооны улсаас Герман улсаар дамжин яаралтай нутаг буцах нэн шаардлагатай иргэдийн албан бус бүртгэл, судалгааг 4 сарын 5 наас 6 ны өдрүүдэд явуулж хүсэлтийг зохих үүсээд байгаа шалтгаануудын хамт иргэдийн дуу хоолойг төлөөлөн манай Монголчууд Германд мэдээллийн сувгийн хамт олноос МИАТ, ЭСЯ, ГХЯ, УОК-д / хувийг ХЧМЗ ТББ-д/ 4 дүгээр сарын 7 ны өдөр УОК-д албан ёсоор хүргүүлсэн билээ.

Гэвч өнөөдрийн /2020.04.09/ байдлаар УОК-оос захиалгат нислэг явуулах боломж, халдварт өвчин судлалын болон тусгайрлах байрны боломжоос шалтгаалан ирүүлэх боломжгүй байгааг мэдээлээд байна.

Сүүлийн 24 цагт нийт 3834 шинээр бүртгэгдсэнээр өмнөх өдөр буюу бүтэн сайнаас нэг дэхэд шинээр нэмэгдсэн тооноос (3677) өссөөр байна. Халдвар буурахгүй байгаатай холбоотой Холбооны Канцлер Меркэл одоогоор тогтоогоод буй хориг хязгаарлалтын 4 сарын 19 ноос өмнө сулруулах талаар огт хэлэлцэхгүй болохыг өчигдөр мэдэгдлээ.

Шлезвиг-Гольштейн муж улсын Ерөнхий сайд Д.Гүнтэр тахлын тархалтыг удаашруулах зорилгоор авч хэрэгжүүлж буй хязгаарлалтыг бага багаар бууруулах талаас санал гаргаж уриалаад буй бол холбооны засгийн газраас энэ сарын 14-нд муж улсуудын удирдлагуудтай хуралдаж Улаан өндөгний баярын дараа хоригийг хэвээр үргэлжлүүлэх эсэх, ямар шат дарааллаар бууруулж болох талаар шийдвэр гаргахаар төлөвлөөд байна. 

Хамгийн их өртөлттэй Бавари мужийн ерөнхий сайд Сөдер "Хэрвээ хязгаарлалтын арга хэмжээг товлосон хугацаанаас өмнө бууруулахдаа хүрвэл, гадуур заавал амны хаалт зүүх талаар шийдвэр гаргах өндөр магадлал үүснэ" хэмээн мэдэгдээд, "мэдээжийн хэрэг энэ бүх арга хэмжээний дараа амны хаалт заавал хэрэглэх шийдвэр гарах л болно" хэмээн тодотголоо.

Хүмүүсийг амны хаалтаа зөв зүүж, тайлж чадвал коронавирусын халдвараас сэргийлэхэд тус болно олон судалгааны болон эрүүл мэндийг байгууллагуудаас мэдээлсээр байна.

Герман улсын хувьд сүүлийн хоногуудад шинэ коронавирусийн халдвар эрчимтэй нэмэгдэж өнөөдрийн байдлаар Жонс Хопкинс хүрээлэнгийн мэдэгдсэнээр 4 дүгээр сарын 7-ны 15:14 цагийн байдлаар нийт 103.717 иргэн халдвар авсан ба харин 36.081 иргэд бүрэн эдгэрчээ.

Харин Германы төрийн өмчит Роберт Кох хүрээлэнгийн 4 дүгээр сарын 7-ны 00 цагийн байдлаар мэдээлсэнээр 99.225 халдварласан иргэд, түүнээс нас баралтын тоо 1.607 байгаа бусад орнуудтай харьцуулахад нас баралтын индекс харьцангүй бага хэвээр байна.

Хоёр эх сурвалжийн мэдээлэл тоо ялгаатай байгаа нь хугацаа, мөн зөвхөн цахимаар хүлээн авсан бүртгэлийг нэгтгэж байгаад оршиж байгаа болно.

Анхаарал болгоомжтой байж хувийн ариун цэврийг чанд сахиж, гараа тогтмол сайн угаах, шаардлагагүй нөхцөлд гадагш гарахгүй гэртээ байхыг дахин уриалж байна.

МОНГОЛ УЛСЫН ЗАСГИЙН ГАЗАР

ГАДААД ХАРИЛЦААНЫ ЯАМ

УЛСЫН ОНЦГОЙ КОМИСС

ҮНДЭСНИЙ АГААРЫН ТЭЭВЭРЛЭГЧ МИАТ ТӨХК

МОНГОЛ УЛСААС ХБНГУ-Д БОЛОН БУСАД УЛСАД СУУГАА ЭСЯ – Д

 

Хувийг: Хилийн чанадад дахь Монголчуудын зөвлөл ТББ

ЕВРОПЫН ХОЛБООНЫ УЛСАД СУУГАА МОНГОЛ ИРГЭДЭЭС НЭЭЛТТЭЙ ШААРДЛАГА ХҮСЭЛТ

Дэлхий нийтийг хамарсан Ковид 19 цар тахлын улмаас үүссэн хүнд үед Монгол улсын Засгийн газар, Улсын онцгой комисс, Эмч эмнэлгийн ажилтнууд, Гадаад харилцааны яам, Элчин сайдын яамдууд та бүхнийг бүхий нөөц бололцоогоо шавхан, эх орноо тус аймшигт тахлаас амжилттай сэргийлэн ажиллаж буйд бид туйлаас талархаж буйгаа юуны өмнө уламжилъя.

Монгол Улсын Ерөнхий сайд У.Хүрэлсүх хэлсэн үгэндээ Монгол улсын бүх иргэнээ татан авахын төлөө чадах бүхнээ дайчлан ажиллана хэмээсэн нь ажил болон албан шугамаар зорчиж яваад саатан, эдийн засгийн болон цаг хугацааны хувьд удаан хугацаагаар хүлээгдэж буй олон олон иргэдэд итгэл найдварын гал өдөөн захиалгат нислэг хүлээн суугаа билээ.